montada mans doctors



 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 اختار افضل نكتة اللى هيا كانت السبب فى الضحك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nour 3iny
عضو نشيط
عضو نشيط
avatar

عدد الرسائل : 28
العمر : 28
تاريخ التسجيل : 12/02/2009

مُساهمةموضوع: اختار افضل نكتة اللى هيا كانت السبب فى الضحك   السبت 14 فبراير - 16:21

مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه !!!


بيقولوا لجحا ... الحق يا جحا تعبان دخل غرفة مراتك ...فقال لهم : سيبوه يستاهل


مره واحد راح لدكتور قاله انا عندى مرض النسيان يا دكتور .. نسيت مراتى ونسيت اولادى ......... .ايه ده انا ايه اللى جابنى هنا..!!!


واحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه ..... جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس ...... الممرضة جت تكمل لقت الطفل الثالث طالع براسه بالراحة وبيسألها ... هو الراجل اللى بيضرب العيال مشى ولا لسة


ثلاثه صقور اتراهنوا على الصيد راح الاول ورجع في منقاره دم قليل... قال لزمايله شفتوا الشجره اللى هناك دى؟ قالوا أيوه قالهم انا اصطادت عندها أرنب ...... راح الثاني ورجع في منقاره دم كثير قال شفتو الصخره اللى هناك دى؟ قالوا أيوه قال اصطادت عندها غزال .... راح الثالث وهو أغبى واحد فيهم ورجع وكله دم قالهم شفتوا العمود اللى هناك ده؟ قالوا أيوه قال أنا ما شفتهوش


محشش اتصل بخطوط الطيران يحجز تذكرة ، قاله الموظف: ذهاب واياب ؟؟؟؟ قال له : لا خروج المغلوب


مره واحد مسطول بيجري ورا برص .....ليه؟ فاكره بوكيمون


واحد ركب اوتوبيس قعد جنب واحد ، شويه وجه الكمسري يقول للراجل اللي جانبه تذاكر قاله ابونيه ... فماخدش منه فلوس.... فصاحبنا عجبته الفكرة قوى ... ركب مرة تانية مع مراته و ابنه... فالكمسري قاله تذاكر قاله انا ابونيه و دي ام نيه و ده نيه بذات نفسه


واحد عصبى إتجوز واحده عصبيه الدكتور بيولد مراته..نزل الواديقول للدكتور إبعد إنت أنا هانزل لوحدى


واحدة بتتكلم مع صاحبتها بتقولها .... أنا جوزي نساي جدا كل يوم يقولي أنا نسيت مفتاح المكتب ، أنا نسيت مفتاح الشقة......... ردت صاحبتها وقالت لها : طب أنتى أرحم منّي أنا جوزي كل يوم يقول لي أنا شفتك فين قبل كده


واحد دماغه مليانه حشرات راح للدكتور قاله يادكتور عاوز اطّلع الحشرات اللى فى راسى... قاله افتح المروحه على الاخر واقعد ادمها هيطير منك الحشرات ، عمل كده وبعدين نام وصحى سمع صوت الحشرات بيقول امبارح كان فيه عاصفه لكن محدش مننا مات ... راح تانى للدكتور قاله منفعش الحل ده ، الدكتور قاله خلاص اركب عربيه واطلع على اخر سرعه وطلع دماغك من الشباك ...عمل كده وهو مروح من عند الدكتور وروح نام وصحى سمعهم بيقولوا امبارح حصل عاصفه شديده قوى ومافيش حد مات .... قام رايح للدكتور تانى وقاله الحل منفعش انا عاوز اخلص بقى .... قاله مفيش الاّ حل واحد ، تعد جمب واحد وتحط راسك فى راسه... و الحشرات هتروح منك .... ام راح عمل كده ونام وصحى الصبح سمعهم بيقولوا امبارح كان فى حرب جامدة مع قبيله تانية لكن محدش مننا مات ، واسرنا 500 من القبيلة التانية


واحد دخل جنينة الحيوانات ودخّل راسه في قفص الاسد، الحارس جري عليه وقاله انت بتعمل ايه يا مجنون ؟؟؟؟ قاله : ايه يابا .. يعني هناكله


قال الشاعر :ليس كل ما يذاكره الطالب يفهمه ...... وانما تأتي الامتحانات بما لا تحتوي الكتب


واحد مسطول ماشى فى بيتهم خبط فى امه.. راحت قالت له:انت اعمى؟؟ مش شايفنى؟؟ بص لها بمنتهى الهدوء وقال:لأ ... انا شفتك طبعآ بس مش فاكر فين؟؟


مره اتنين مساطيل واحد قال للاخر مش فيتنام فازت على امريكا فى الحرب واحنا فزنا على اسرائيل .... المسطول الثانى قال له : يبقى كده احنا المفروض نصفى مع فيتنام


واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ، والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ، هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة قالت له الاستاذ شلبى فضل يستهبل لحد ما القطر فاتة


مرة واحد انجليزى و واحد فرنساوى و واحد صينى راحو يجربو صدى الصوت الانجليزى قال هاللو فرد عليه صدى الصوت و قال هالوووو الفرنساوى قال بنجور رد عليه صدى الصوت و قال بنجوووور الصينى قال شونجا كونجا هونجاهى فرد عليه صدى الصوت و قال بتقول ايييييييه


دكتور بيعمل عملية في مخ مريض وطلّع المخ وحطة في الصينية جنبه ، وشغال في الجمجمة شوية ودخلت قطة وكلت المخ.... الدكتور احتار ملقاش غير جوز الجزمة حطه في الجمجمة وقفل... وبعد كام سنة ساله واحد دكتور زميلة بيقول له اخبار مريضك بتاع الجزمة ايه ؟؟ رد علية وقال له عقبال املتك دا بقي مدير المستشفي بتاعنا


واحد اشترى طبق دش ، اكبر حجم وحطه فوق السطوح.. وعلشان خايف عليه من السرقه نزل قال للحته كلها أن فيه كلب كبير جدا فوق السطوح ، فاتنين من اهل الحته خادهم الفضول .. فواحد بيقول للتاني تقدر تطلع تشوف الكلب قاله أيوه أقدر أنا مش بخاف... فطلع الراجل وشوية نزل يجري ... صاحبه بيقوله شفت الكلب قاله لا شفت الطبق اللى بياكل فيه


فى المتحف المصرى سأل الولد أبوه ,تمثال مين ده يابابا؟ ,رد الاب : مش عارف يابنى ...... طب صورة مين دى يابابا؟ , مش عارف يابنى ..... طب مين اللى محنطينه هناك ده يا بابا ؟؟ , مش عارف يابنى ..... شوية و أم الولد قالتله: ياواد بس بقى كفاية اسئله تعبت أبوك ........, رد أبوه : ياوليه خلى الواد يسال علشان يتعلم


صبى كسلان جدا شغال مع ميكانيكى كل اما المعلم يقول له هات مفك ، يقول له كمان شويه ...بكره ... مش وقته. ، وفى يوم لمبة الورشة اتحرقت ، المعلم قاله ركب اللمبه قال له دى حاجة سهلة قوى ، وشاله المعلم على كتفة واستنى دقيقة دقيتين ربع ساعه مافيش حاجة ركبت ، قال له المعلم انت مركبتش اللمبه ليه؟؟؟؟؟؟؟؟؟؟؟؟ قال له اللمبه قلاووز وانت اللى مبتلفش يا معلم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
The fierce
Admin
avatar

عدد الرسائل : 150
العمر : 27
رقم العضوية : 1
تاريخ التسجيل : 10/02/2009

مُساهمةموضوع: رد: اختار افضل نكتة اللى هيا كانت السبب فى الضحك   الإثنين 16 فبراير - 21:40

ههههههههههههههههههههههه

معظمهم نكت جامده والله يا احمد

شكرا على النكت الظريفه دى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mansdoc.hooxs.com
lito elnagar
مشرف
مشرف
avatar

عدد الرسائل : 138
العمر : 27
الموقع : http://mansdoc.hooxs.com/
رقم العضوية : 3
تاريخ التسجيل : 11/02/2009

مُساهمةموضوع: رد: اختار افضل نكتة اللى هيا كانت السبب فى الضحك   الثلاثاء 17 فبراير - 18:32

نكت جامدة جدا يا احمد بس احلى واحدة بتاعة التعيال التلاتة و وصبى الاسطى....
شكرا عالنكت الجامدة ومستنيين جديدك.....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
shadow
Admin
avatar

عدد الرسائل : 27
العمر : 27
رقم العضوية : 9
تاريخ التسجيل : 10/02/2009

مُساهمةموضوع: رد: اختار افضل نكتة اللى هيا كانت السبب فى الضحك   الأربعاء 4 مارس - 17:40

ههههههههههههههههههههههه

جوكز فيري نايس

ثانكس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اختار افضل نكتة اللى هيا كانت السبب فى الضحك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» احمرار العين وعلاجه
» (( النزيف ــ من الأنف والأذن والفم ))
» - التواء رسغ اليد :
» صداع الرأس انواعه علاجه أسبابه نصائح
» وفاة داودي عبد الحي با تبلكوزة

صلاحيات هذا المنتدى:لاتستطيع الرد على المواضيع في هذا المنتدى
montada mans doctors :: تعالى فك عن نفسك شوية :: مواقف وعجائب-
انتقل الى: